الفارع اللّي تواعدنـي علـى بكـره
أنا على وعدها فوق الشّهـر ناطـر
يقوله اللّي : يحبّ وشـاف مايكـره
خلّت عيوني تصوم , ومسمعي فاطر
عشانها الشّعر أطوّر فيـه وأبتكـره
وتجيه هيبة ملـوك وبطـرة آباطـر
وأبثّـه إلهـا بشاشتهـا وتحتكـره
ويصير جوّ القصيد مغيّـم وماطـر
تطري على البال من فكره ليا فكره
وتعطّره لاطرْت من ريحهـا العاطـر
وأحسّ كنّي مابين الموت والسكـره
لاسلّ كفّ المفارق سيفـه الشاطـر
ادخل عليها لامنّـه مرّنـي ذكـره
من ضيقةٍ ماتـروح ودمـعٍ إيقاطـر
ف مدام حبّـي يفكرهـا وتفتكـره
فأنا لجل حبّهـا بيّـاع وإمخاطـر .!
أحبّ ماحبّـت وكرهـت ماتكـره
هي كسرة الخاطر , وهي جبرة الخاطر
آموت في حبّها ؟ من عادهـا بكـره
وبثبت على حبّها وآحبها فاطـر
فهد بن عصيدان
صح لساانك وعلى شانك
تحيتي لك
|