الشوق مثل السكّر وصدري الكـوب
وطاريك لامـن حرّكـه داخلـي ذاب
أتخيّلك ويـذوب ويـذوب ويـذوب
واحسّ بك فوق المعاليق .. تنسـاب
وافتح لك عروقي وتصبح لك دروب
من غير بوّابه ومـن غيـر بـوّاب
وأتنفّسك بشويش يـآدوب يـآدوب
وأغمّض عيوني واشوفك فالاهـداب
وأسرح معك كنّي عن الناس محجوب
وأكتب لك اللي يسحر الباب والبـاب
شاعرك في صبره يسمّونـه أيّـوب
لوإن هذا هو .. بلا بـوك ياعقـاب
خلاّك ماتجزع مـن الصـد وتتـوب
قمت اتمادى ولاانا منـه .. مرتـاب
إي والله إنّي منه خايـف ومرعـوب
اخاف تِسرق منّي بلحظـه إعجـاب



/
/


ياسلاااااااااااااام يامحمد
عودا ً حميدا ً
ان كانك بتغيب وتجي بمثل ذا الفاتنة فـ .. ياسلام سلم
صح لسانك الى حد الثمالة
ابداع وسلاسة وتسلسل جميل وعذب
لله درك
اعجابي يامحمد
دمت بخير