الموت وانواع الجفا ""والنفس وظروف الغيـاب
والخوف واشباه البشر"" والناس واحوال المـره
في كف والحيره بكف ""قولوا خطا ولا صـواب
ماياكـل لحـوم البشـر"" الا بشـر مستهتـره
صفقت للدنيا هلا"" وغنيت بنـت ٍ (ن)ماتهـاب
وضحكت من نفسي على نفسي"" وانا مستبشره
اثر الوطا ماهو وطا"" واثر المطر ماهو سحاب
واثر القلوب اللي ببعض الناس"" مثـل المقبـره
لاهنت يا عشق الضما ""لا هنت يا وجه السراب
بغيت فرحٍ (ن)للزمن "" نفسي بقربـك تشعـره
حلمت في غيمة وفا"" واثر الوفا عتمة ضبـاب
لا ينهمر منـه المطـر"" ولا العجـاج يبعثـره
وين انت يا عمرالهوى"" وين انت ياحلم الشباب
من مت في عين القدر"" ماعندي شيٍ (ن)اخسره
لامات حلمٍ(ن) وانهدم ""تقتله لحظـات العتـاب
لاترتجي من غير رب الكـون هـذا مغفـره""
,
/
النجـلا
نص راااائع من البداية الى النهاية
سبيكة ذهبية مصبوبة صب
ابدااااع وجزالة وتسلسل متفرد
صح بوحتس وفكرت وصح لسانتس
دمت ِ بخير
تقبل ِ مروري
|