السلام عليكم

جديده للتواصل ,, آمل ان تلامس ذواقكم .. ودمتم

[poem=font="Arial,4,#00008b,normal,normal" bkcolor="" bkimage="" border="none,1," type=2 line=1 align=center use=ex num="0,"]يا مطرق البان لا تكسِرك هوج الظنون = الحب لولا الثّقه يفقد صلاحيّته

وان قلت طاحت ورْقْة التوت والزيزفون = قلت الغلا باقيٍ في طيّ مطويّته

انت تعَرف قيمتك والناس ما يعرفون = لا تختبر خافقٍ تعرف حساسيّته

بعض المشاعر تجي وتروح من غير لون = والبعض تضفي على الشاعر رومنسيّته

وانا كسبتك ولكن ما كسبتك بهون = فيك احتدام الحياه ادركت ما هيته

خذني على قدّ حبّي لك وشِف ويش اكون = والسِّهد شِف بسم من جيّرت ملكيّته

وان كان مالي معك دبره ولا يحزنون = علّمني ... الصّدق بِرّه في علانّيته

لا تسْكِت وصاحِبِك يقرأ كلام العيون = بيان سودك خطير وقلبك ونيّته

انا هنا بين حدّ معانقِك والمنون = عاشق كتب عند مطلع حبّك وصيته

امّا ربحتك هناء والا جذبتك طعون = تخبرني ان الغرام افنتْه عفويّته

وانا بدوري ببوح بسرّ وانته تمون = صاحبْك في روحته صاحبْك في جيّته

البارحه كان حولي قلب واحد حنون = مازلت محتاج له لكن بحنيّته[/poem]