[poem=font="Traditional Arabic,6,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
فراغ العاطفه قاتل وروتين الحياه مخيف=سهر /حرمان /هم وقافيه مفقود ملهمها
عبث نبحث عن خيوط الامل في وسط بحر الزيف= مشاعرنا شتات ولا لقت منهو يلملمها
نعيش الحب و أصل الحب ماله عندنا تعريف=ويصبح حبنا لوحة غرام ٍ مات راسمها
هواويه مامل من السهر واعشق ليال الصيف=وش أَسوي وانا مظلومة ٍ تحتاج ظالمها
رحل عنها بـلا كلمة وداع وراح كنه ضيف=ياليته قبل يرحل بس بفراقه معلمها
ترك قلبي بعد صده لكل العاشقين معيف=وصرت اقول من دونه حياتي ويش لازمها
ابفهم كيف نعلن بيع قلب اللي شرانا كيف ؟=وكيف قلوبنا ترضى على منهو يساومها
وكيف الصدق يصبح في زمنّا يشبه التزييف=وكيف التضحيات الصادقه ضاعت معالمها
آلا ياليت هذا الحب مر بنا مرور الطيف=وإلى من صار ذكرى نفرح بهبت نسايمها
ابعلن توبتي واصبح بوقت الظلم والتحريف=مجرد شاعره والشعر وحده صار عالمها[/poem]
الله الله الله الله
الله الله الله
الله الله
الله
بحق هذه القصيدة شافعه لـ غيابك المحلوظ ..
شاعرة مبدعة يا عيوف وقصيدتك هذه تستحق الاحتفاء بها ..
صح إحساسك ودمتي كما تحبين ..
إعجابي
إعجابي
إعجابي
|