المشاركة الأصلية كتبت بواسطة فهد الماجدي
كل ماجيت ابسلا عن غرامك وافوق = مانستك القوافي ولاخفوقي سلا
والسبب من غلاك اللي مشى فالعروق = لين دمي كرياته ملاها الغلا
وكان لاحت معَ غيرك بقلبي بروق = كنها من سحاب الصيف يوم انجلا
مخطي ٍ من يحطك في مجال الفروق = مايقارن مع الخفرات ظبي الفلا
أنت حبك تمكن بأوسط القلب فوق = عن جميع التجارب فارق ٍ وإعتلا
صاحبك بالمحبه والمشاعر صدوق = كل شبر ٍ بجسمه من غلاك أمتلا
والله اني عليك من المشاعر شفوق = خايف ٍ تزعل ليا قصرت كلمة هلا
ممتلي منك حب و ممتلي منك شوق = جعلني من مقابل شوفتك ماخلا
خافق ٍ مايحبك مايسمى خفوق = وديرة ٍ منت فيها ماعليها حلا
الله الله
سبيلها اعادة تنسيق
روعه للأمانه
التحيه والاحترااااااااام
,
فهد الماجدي
الرائع مرورك وتنويرك للقصيدة
تحيتي لك