قصيده تعبر عن نفسها :أهداء الى اخي الشيخ حنيف بن لفا الذيابي

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يعيش الرفيق اللي شرى وضح ابن حثلين = شراها وزوّد من غلاها بقيمتها
على مايناسب له نقا من ميه خمسين = نقاها بيمناه وتخير نقاوتها
اخذها بنقد المال ماقال فيها دين = على شان خابرها وخابر مكانتها
اخذ كل ماتملك وصوف الغلا والزين = تعجز القصايد عن تواصيف ناقتها
يقولون واهل الصنف مايمدحون الشين = ليا شفتها تشبع عيونك بشوفتها
ليا اقفت تسرّ العين وان جت تسر العين =ويجرح قلوب اهل الولع طول قامتها
وان اقفت ورى المقهور تمشي حلف ايمين = ما شفت اجمل من اقفايها غير عودتها
تنافس على الاول ماترضى برقم اثنين= عوايد لراعيها التقدّم وعادتها
هذا منوة اللي يكسرون العسر باللين = وهل الطيب دايم تبلغ النفس منوتها
مدام الحيا ذكره مع الطيبين ايبين = ابا اذكر مزايا اللي تشرف بسمعتها
رجال الوفا والطيب في كل وقت وحين =بقا في سماء التاريخ خفاق رايتها
مثل من ضفا جوده للادنين والاقصين = ورقا للمراجل واعتلى فوق هامتها
كريم ٍ جمع مع عزّته حسن خلق ودين = صفات الرجال اللي تنومسك خوّتها
هذا هو حنيف اللي شرى وضح ابن حثلين = نقاها بيمناه وتخيّر نقاوتها[/poem]

mrm@mergab.com