فراج القرقاح

ياراكـان مبطـي ماتطرّقـت للقيفـان
لو ان القوافي تحت طوعي واصخرهـا
صحيح القصايد تبعد الضيق بعض احيان
وتنعـش بنفـس ٍمغلقـات مشاعرهـا
ولكن لي عاميـن متضايـق وزهقـان
من صدوف بقعا جعـل ربـي يدبرهـا
بعد وادعت الافراح واستوطنت الاحزان
علـى قلـب لامنـه نساهـا تذكـرهـا
تحوفه وتلعّبه وتكبس علـى الشريـان
وميزتـه يكتـم ونّـتـه مايظهّـرهـا
الانسان لولا الصبر والحلـم والنسيـان
كلته الليالـي قبـل يعـرف سرايرهـا
ولكن دامـه يرجـي الوالـي الرحمـان
يقوي عزومه في المواقـف ويقدرهـا
ياباب القصيد امهل وامرّك وانا طربـان
الايـام هـذي الله اعلـم وش آخرهـا
نشدت وعطيتك كـل الاخبـار ياراكـان
اخذهـا كـذا ماهـوب لازم نفسـرهـا




,
/


ياسلام
ياسلام
ياسلام


أرحب يابو ناصر .,
في البداية .. !
يشرفني اكون اول المتواجدين عليها
ثانيا:-
مبدع وجزل وافي ولله درك
والله يبعد الضيق
صح الله لسانك مدد بلا عدد
ولافض فاك
اعجابي ومتابعتي ومحبتي