الله واكـبـر يابعـيـد الـروابـع
صخرك وقتك لين حدك على الجـال
واصبحت مثل الكف من غير اصابع
تبغى الكـرم لكـن ماتملـك المـال
عينك على ريضان عـذب المنابـع
ورجلك على جرف ٍ من الوقت مهيال
وابطيـت وانتـه يالسنافـي متابـع
لاميّس ٍ منهـا ولا ادركـت الامـال
تطبع هواجيسـك سـواة المطابـع
وهايـم ٍ تاخذبـك ايــام والـيـال
لكن مـادام النـاس جايـع وشابـع
لايحزنك حالك علـى كـل الاحـوال
اصبر وخل ضـروف وقتـك تتابـع
ترى العسر مانقصـك ربـع مثقـال
دام الجبـل ماحركـتـه الـزوابـع
انته جبـل لكـن بشمـاغ وعقـال
,
/
مشاري
مرحبا مرحبا مرحبا
بالقاف والحبك والسبك ..!
صح الله لسانك ولافض فاك
اعجابي بنصك وبـ .. قصيدك
دمت بخير
|