خذا عندك هالانطباع
فارس العصيمي × عناد النفيعي !
جمعتهم مع بعض .. لانها اول مقابله وكانوا مع بعض في زياره لهم للكويت قبل 4 سنين تقريبا
وكانوا ساكنين في شقه فالسالميه .. ودقيت على عناد .. قلت وينكم ؟
وهو يوصفني الاخ : لف منا وادخل منا .. ولا جاك (مدري ويش) ادخل من دونه .. الخ
المهم والكلام لـ عناد : لا جيت الشارع الفلاني شفنا فالعماره اللي على ايدك اليمين
عند ( صااااااالون فارس ) !!!
جيت على الوصف لين وصلت العماره .. وادوّر صالون اسمه ( صاالون فارس )
ولا لقيته .. واطلع من الشارع .. والقى لي ( سطرة حلاقين ) اساميها
فرزاتشي .. كلاسيك .. الاناقه .. ومن هالاسامي اللي عليها الكلام !!
وانزل عليهم .. واقعد انشد ( وين صالون فارس !؟؟؟ ) وكلهم يقولون يا ولد
ما فيه فالسالميه كلها صالون اسمه (صالون فارس) !!
وفيه واحد من الزباين قال ضاحكاً : ياخوي يمكن قصدك ( اسطبل .. والا جاخور )
المهم دقيت على عناد .. وعلمته بالسالفه .. وقعد يضحك لين قام يكح !
قلت العلم ! قال يا ولد انا اقصد ( صالون فارس ) يعني سيارته الصالون !!
فـ قلت غاضباً .. علي الحرام لو ان منت بـ ضيف .. اني لا اتوطاك بـ صالون فارس
باختصار
<- امحق اختصار !
قبل المقابله :-
كنت متخيّل شكل عناد النفيعي اللي في بالي .. هو نفس شكل فارس العصيمي بكل تفاصيله
وكنت متخيل شكل فارس العصيمي اللي في بالي .. هو نفس شكل عناد النفيعي بكل تفاصيه !
بعد المقابله :-
اكتشفت العكس تماااااااااماً !
وسلامتكم