[poem=font="Simplified Arabic,5,darkred,bold,normal" bkcolor="skyblue" bkimage="" border="double,7,sienna" type=0 line=1 align=center use=ex num="0,black"]
البارحه .. بعد الاخير=اهدتني .. الضيقه سرور
من هاجس الشعر المثير=لا داعبه موج البحور
دايم و نسناسه عبير=وهبايبه .. مثل العطور
يقودها سلك الحرير=على المهم من الامور
ما خانه احساس البصير=في ملْهم احساس الشعور
الله لا يجزاه خير=أليا تحلاّ باالغرور
البشت له متن الامير=والشيل له متن الصبور
والدرب يقطعه المسير=والعز لطوال الشبور
الموت !! من موت الضمير=والاّ الجنايز في القبور
ما غير وجه الله كبير=الخالق .. الحيْ .. الغفور
وحْده يجير المستجير=لا ضاقت وساع الصدور
ما جور يالفْح الهجير=اشير لسْمك في سطور
عطيتك الوقت الكثير=ازرعك واراضيك بـور
علمتني .. صبر البعير=وإمْلت .. في جني البذور
كل المواسم ما يصر=ما لي عذر .. وانت معذور
امشي معك ممشى الظرير=وعلى اسمي .. وديني .. غيور
يجهلك .. تحديد المصير=واجهلك .. والدنيا تدور
وعـزاي .. لحجاج النظير=الحظ الاوفر .. والدهور
هل ياترى !! يطلع بشير=يهديني الضيقه سرور[/poem]