منتديات المرقاب الأدبية - عرض مشاركة واحدة

01-07-2008, 02:33 PM

:
:

ويستمر سيل (( الأنطباعات )) ..
وضيفي هذه المره هو .. (( ابو العفس )) ..
أقصد ..
عفاس بن حرباش .. !!

كان أنطباعي عنه كالتالي :

- أول ماقريت اسمه فالمرقاب كنت أحسنه موضوع في مرقاب (( السديري )) .. !!
- وبعدين شفته حاط الصورة اللي هاك الايام ..
وكنت متصور أنها صورة (( ولده )) .. وأنه من النوعيه اللي مسيطرة عليه حرمته ..
لدرجة أنه يحط صور ولده في كل شي تعلق فيه ..
مثل ناس أخبرهم .. <-- حاقد عليهم .. عشان عندهم حريم وعيال .. !!
- توقعته بـ (( شنب )) تشوف أطرافه وهو مقفي ..
- يلبس فنيلة علاق .. وله كرش .. !!
- من النوعيه اللي يتمنى يتزوج (( الثانية )) بس خايف من (( الأولى )) .. !!
- كان عسكري فالجوازات .. وفصل وعنده مكتب تعقيب .. !!
- يخاف من المستقبل .. والمستقبل مادرى عنه .. !!
- نحيف لدرجة أنه مايحتاج أشاعه ان تعرض لكسر ..
بس يرفعونه على النور على اللنبه مباشرة .. !!

وبعد ماقابلته ..
ألتفت الى اليسار .. ثم رفعت نظري بدرجة 45 الى الاعلى ..
ومسحت كل هاك التصورات ..
لأني لقيته كاتالي :

- طلعت الصورة .. فعلاً صورته .. !!
- يتشحذ (( الشنب )) وينخاه أنه يطلع .. !!
- طالب (( جامعي )) .. وطالب القرب من أطرف بنت حلال .. !!
<-- يعني مافيه (( اولى )) ولا (( ثانية )) .. !!
- مهوب هو والنحف ولايف ..
اذا استمر على عطائه البلعي .. بعد سنه بينضم لقائمة (( دببة )) المرقاب .. !!
- اكتشفت أنه قارئ خطير .. وخيالة خصب .. !!
- زاحف بدرجة (( محترمة )) .. !!