[poem=font="Simplified Arabic,4,blue,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
الحب والتقدير والطاعه وتعظيم السلام = لاعدل ملك واوفى ملك واحكم ملك واكرم ملك

ان قلت عبدالله تطير مع الفضا اسراب الحمام = ان قلت عبدالله تشوف ان الثريا منزلك

ان قلت عبدالله يعم الخير ويهل الغمام = وان قلت عبدالله سكنت بقلب مؤمن يحملك

وان قلت عبدالله فلا يمكن تذل ولا تضام = وان قلت عبدالله قبل صرختك توصل يوصلك

وان قلت عبدالله تشوف المجد فى صدرك وسام = وتلبس ثياب الفخر من راسك الى حد ارجلك

وقل حي ابو متعب وتعرف كيف مدات الكرام = قدام تساْل حاجتك يعطف عليك ويسألك

وقل حي ابو متعب وتعرف ويش معنى الحظ قام = والله ليرسي بك على بر الامان بمحملك

وقل حي عبدالله ولا يبقي على الدنيا خصام = وقل حي عبدالله ولايمكن حدٍ يستسهلك

وقل حي عبدالله وتبدا سيرة ملوكٍ عظام = والعز من كل الجهات الاربعه يتسربلك

ملك ولا مثله ملك هيبه وطيبه واحترام = وبفضل ربي فضله وعطفه وخيره يشملك

ياسيدي تعجزحروف الشعر ويعز الكلام = من يجهلك ياسيد اسياد العرب من يجهلك

تارد قصايد مدحنا جودك ولا تصدر حيام = اجزل بيوت الشعر من فنجالها تتهيلك

ميلة عقالك عدل وحزامك على الشده حزام = فى سدة التاريخ لك مقعد ولا احدٍ ميلك

تحكم بشرع الله ولا لك غير شرع الله نظام = وسنة رسول الله محمد خير الامه منهلك

هم امة الاسلام همك وانت للامه حسام = كأن ربي لامة الاسلام بالحق ارسلك

تشهد لفعلك طيبه ويشهد لك البيت الحرام = من منجزات اخرك والا من مكارم اولك

ياسيدي لو تعجز حروفي بوصفك ماتلام = تستاهل الحب الكبير ودارنا تستاهلك

الله يديمك للوطن ويديم عزك كل عام = وحق الوطن نفديه بالارواح واللى نمتلك

والشعب واحد والولاء دايم ولا فينا انقسام = اللي يسالمنا سلم واللي يعادينا هلك[/poem]