[poet font="Arabic Transparent,5,white,normal,normal" bkcolor="transparent" bkimage="backgrounds/10.gif" border="none,4,gray" type=3 line=200% align=center use=ex length=0 char="" num="0,black" filter=""]
يابحر والعام شطك والله انه فيه راحه=يابحر واحسّ موجك ياخذ همومي بعيد



جيت اشيل الفين ضيقه ودي ارجع بانشراحه=فيني قيد وودي ارجع يابحر من دون قيد



ودي اهرب من وجود الهم فيني واجتياحه=ودي انسى ودي اضحك ودي اتفجّر قصيد



ودي ابكي دام عندك تنزل الدمعه مباحه=حتى لو تحرق جفوني لكن يذوب الجليد



جيت ادوّر لي زمان وجيت ادوّر لي مساحه=بس احسّ احساس واحد (يابحر ماني وحيد)



يابحر والحزن طيرٍ كل مايكفخ جناحه=قلت آه وقلت آه وقلت آه ولاتهيد



آه من همٍّ سكنّي وآه من هبّة رياحه=وآه تقطع في وريد وآه تقطع في وريد



آه من ليلي ومني وآه من باقي صباحه=وآه من حظٍّ قديم وآه من حظٍّ جديد



آه من جرح الزمان وآه من طعنة رماحه=وآه من وقتٍ يخلّي طيب النيات صيد



يابحر علّم بياض القلب لا لملم جراحه=يستفيد ان كان وده من جراحه يستفيد



بعدها يمكن الاقي من عذاب الوقت راحه=يمكن انسى يمكن اضحك يمكن اتفجر قصيد



[/poet]