|
لا تعلم باقي إخواني
تقبلوها مع التحية .............. واستروا عيوبها !!!!!!!!!
[poem=font="Simplified Arabic,5,black,normal,normal" bkcolor="transparent" bkimage="" border="groove,4,gray" type=1 line=0 align=center use=ex num="0,black"]
يا عبيد ضيعت ما هو من كبر سني = لكن وقتي عن المالوف عداني
لو كان ما أخطيت أقول إن الخطا مني = أنا أعترف به ولو ما ني بغلطاني
وإن مر شي(ن) ليا منه رحل عني = أقول يا عبيد ما شفته ولا جاني
الهم يترك عباد الله ويزبني = في داخل القلب له موطن ومسكاني
لين إنه أصبح معي دايم مواطني = رضيت به سرني ولا تحداني
قبلي ملم الهموم اللي تجنني = أقلط الهم به واستقبل الثاني
والنبض فالقلب نجر(ن) جوفه يدني = يقهوي الهم من دمي وشرياني
ورغم العنا أصبر على ما صار ما أوني = كله على شان صدقاني وعدواني
وتقدير للي على سره امومنَي = لايمكن أكشف ولو إنه علي جاني
لو فآخر الوقت هذا مختلف ظني = ما عاد أبا شي واللي جاني أكفاني
وليا نشدني عزيز أقول له كني = أشوى .. وأنا كاتم(ن) فالصدر وأعاني
حتى ولو شفتني مرة ضحك سني = ما هو دلالة على إني صرت فرحاني
وليا بغيت الصحيح العلم واصلني = علمتك ولا تعلم باقي اخواني[/poem]شعر / فلاح بن مرشد بن خلف الزراقي ،،،،،،،،،،،،،،،
أعربتني في جملة الحال مفعول = واليوم أنا بمنعك دايم من الصرف
ولا جعلتك فعل مبني ومجهول =ولا نصبتك نصب واجب على الظرف
طول الليال تجرني جر وأقول = أنا اسمي المجرور وأنت اسمك الحرف
من قديم شعري
آخر تعديل مرزوق الروقي يوم
11-07-2008 في 02:43 PM.
|