[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أن جيت لك يا بحر ضايق ومهموم=خذ من همومي هم قاطع وصاله
خلك تعيش الهم فالليل واليوم=وتذوق ما ذاقه خفوقي وشاله !
هذي ثلاث شهور معطى ومحروم=معطى من الذكرى ومحروم جاله
اللي على جدران قلبي له رسوم=ليته سعى لـ الخافق اللي سعى له
بعد انقطع حبل الرجاوي من اللوم=خيط الامل عوّد يعيد انفتاله
يمكن ليا هبّ الهوى وانكف الحوم=وتشكلة صورة خيالي فباله
يطيح نجمٍ واقفه دونه غيوم=ويمّرني واله واقابله واله
لانه غلاي اللي سرق عيني النوم=والحق على مرّ البياله بياله
طرق الهوى كم فيه ظالم ومظلوم=ميزان لكنه ماهو لـ العداله
من عاش به يعيش ضايم ومضيوم=ثنتينها في كل شخصٍ لحاله
طرقٍ يذكر قايد الفرس بالروم=يفرّ مخه مثل فر المحاله
طرقٍ وراه علوم من دونه علوم=والعلم يبغاله وعلمي يبا له!
واقول وقتٍ فرق ثنين مقسوم =وارجع و ادور في بريدي رساله
يهبّ يا وجه المفارق وياقوم=يا وجه كم شفت القمر من خلاله![/poem]
ابو منصور :_
الله لايضرك ولله درك يامبدع
عز الله ان لطرقك جاذبيه غير طبيعيه
والله يزين الامور كلها
تحيتي وتقدير ومحبتي واعجابي
|