السلام عليكم :

طلب مني المدير إعادة التنبيش في الدفتر اللي أنتوا خابرين ,
فجبت لكم ذا الثنيّتين , وعلى قولة عفاس توبة

..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

المهره اللي دونها حصان=وجدي على تلّة رسنها
وجد اليتيم اللي بلا إخوان=لاشاهد أمّه في كفنها
مهرة عقيدٍ بين فرسان=لمصافق القوم ارتهنها
ياليتها تشرى بالأثمان=وأسوق من عمري ثمنها
مير العلاقة شوف الأعيان=لاجبتها ولا أيّست منها
أحاول أسلى قدر الإمكان=والعقل صورتها اختزنها
يوم أقبلت في شكل هتّان=تمطر على روحي شجنها
فاض الكلام ولالقى لسان=والساق خدّرها وهنها
وين القصايد ذي والألحان؟!!=لابارك الله في لحنها
يعني بدون رموز وألوان=ياكبر حظّ اللي حضنها
لو خيّروه بحكم ( لبنان)=ماعوّضه ( لبنان) عنها
مير البلا من راح ضميان=ماذاقت عيونه وسنها
الموت ليس سيوفٍ سنان=الموت يوم أقفى ضعنها
انقل حمولك يابليهان=واصبر على قسوة زمنها
يالله عسى للذنب غفران=الآخرة محدن ضمنها[/poem]


وهذي الثانية :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ستة شهر شعبان خمسة وعشرين=آقف على جمر الغضا في انتظاره
كني مشارك (مصر) في (حرب تشرين)=في العين غاره والحشا فيه غاره
لوشالت حمولي ظهور البعارين=انقصمت ظهور الجمال بجداره
أهم موعد في حياتي لذلحين=الله يعجّل به ونقطف اثماره
موعد لقاك وموعد مفارق البين=حسبي على الفرقى وجرع المراره
أرقب له بلهفة قلوب المساجين=اللي ترقّب في نهار الزياره
جيتك ولا لي في البسيطة عناوين..=ألا كفوفك والسلام بحراره
لو عشتنا وإياك في برّ ( يبرين)=كني على ( شاطيء الريفيرا) وخضاره
لاتْلوم قلبي في غرام البساتين=راحت حياته ممحلاتٍ دياره
إن ما تغانمته من ايسار وايمين=انهار كله مثل ( برج التجاره)[/poem]
.