فيصل الدوسري

حزين .. لكن خل حزنـي علـى جنـب
انـا معـك مابـي للأحـزان طـاري!
اللي كواه البعـد ، لا جـرّب القـرب
لـ( الخوف ) تلقى في عيونـه مـواري!!
وانا معك خايف ، وفـي مأمـن الحـب
مابي اجي واشكـي عليـك إنكسـاري!
يـا أول الفرحـة ويـا أجمـل الـدرب
مشوارنـا خلّـه يكـون اختـيـاري!
ما أجبرك ، مابي تحـس الهـوى غصـب
ابـي تحـس انـه قـرارك / قــراري!
عش اسهله .. تلقى طموحك الى الصعب
يستعجلـك داري .. ويمهـلـك داري!
وانا معك بـ( جنون ) عقل ، وهُدى قلب
تزرعني فـ( نبضك ) ، وتجنـي ثمـاري!
مشاعرٍ مـن صدقهـا ترفـض الكـذب
مفعولها لو قصّـر الحـظ .. سـاااري!!
من ضيّق احزاني الـى فرحـك الرحـب
في واضح حضورك بـ( عتمة ) نهـاري!
يطول عمر الوصـل والهاجـس العـذب
يبقى ، وحس الحب فـ( القلب ) جاري!!

الله الله الله الله

ابو جاسم
صبحك الله بالشعر اللي على اصوله
قصيده يمكن تشبعني اليوم كله عن قراية الشعر
صح لسانك .,

..



..



.