[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
حزين .. لكن خل حزني على جنب=انا معك مابي للأحزان طاري!
اللي كواه البعد ، لا جرّب القرب=لـ ( الخوف ) تلقى في عيونه مواري!!
وانا معك خايف ، وفي مأمن الحب=مابي اجي واشكي عليك إنكساري!
يا أول الفرحة ويا أجمل الدرب=مشوارنا خلّه يكون اختياري!
ما أجبرك ، مابي تحس الهوى غصب=ابي تحس انه قرارك / قراري!
عش اسهله .. تلقى طموحك الى الصعب=يستعجلك داري .. ويمهلك داري!
وانا معك بـ ( جنون ) عقل ، وهُدى قلب=تزرعني فـ ( نبضك ) ، وتجني ثماري!
مشاعرٍ من صدقها ترفض الكذب=مفعولها لو قصّر الحظ .. ساااري!!
من ضيّق احزاني الى فرحك الرحب=في واضح حضورك بـ ( عتمة ) نهاري!
يطول عمر الوصل والهاجس العذب=يبقى ، وحس الحب فـ ( القلب ) جاري!![/poem]