المشــــــاريه
حبيت اقـول الله يمسيـك بالخيـر
واخذ علومك وانت تاخـذ علومـي
واسوق لك صفر الـدلال المباهيـر
بعد الاخير اليـا غيـاب النجومـي
واعطيك عن بعض المشاريه تقرير
عينتنـي باسبابهـا طـار نومـي
وانت بضميري لك معـزّه وتقديـر
من شجرةٍ بالعز والطيـب تومـي
ماضيق غير من الرجال المناعيـر
ضيقة غلا من طيبيـن السلومـي
اثر الزعل طعمه ولونه يجي غيـر
وتضيق بالزعلان حتـى الهدومـي
لاجات من روس الرجال المشاهير
الطيبيـن الغانمـيـن القـرومـي
اللـي لياهبـت علينـا المعاصيـر
يكفي ذراهم عن لهيـب السمومـي
لو يتبع الفلاح صـوت العصافيـر
ضاع النهار ولا قضى له لزومـي
وراع المعرفه مايبـي زود تفسيـر
ويعـد مثـل مفسريـن الحلومـي
منه الخطا نعتبره اكبر مـن النيـر
مايدمحه فالوقت حـب الخشومـي
والرجل يعذر لاحصل منه تقصيـر
ولاهوب عن بعض العلوم معصومي
لكن علوم تفيـد معهـا المعاذيـر
وعلوم عنهـا ودك انّـا نصومـي
واقـول يالله ياعساهـا تياسـيـر
يافـارج الشـدات تبعـد همومـي
وعسى سحاب الخير دايم مزابيـر
ويدوم وريـاح الجفـا ماتدومـي
الله الله الله الله الله
ابداع متميّز وحبك وسبك
صح لسانك يا شاعرنا الكبير والقدير
متااااابع بكل اعجاب
وتقبل خالص تحياتي
|