يالله ياربـي عليـك الملتـجـا والاتـكـال
ياعالم(ن) غيب القلوب وعالم(ن) باللي جرى
أعوذبك من قلة الحيلـه ومـن ذل السـؤال
من عقب ماضاقت علي وعافت العين الكرى
أشوف فالدنيا عجايب بيـن حـلٍ وارتحـال
ولامن يجيب الثريـا قيمتـه عنـد الثـرى
آخذ من الدنيا عبر وأعرف مداخيل الرجـال
وأعرف مناهيج المدن وأعرف مناهيج القرى
وأشوف ناس(ن) مايعرفون الحرام من الحلال
ماهمهم غير المظاهر والمناصـب والثـرى
قلوبهم مثل الصفى تشفق على طرد الريـال
لاعدو افعـال الرجـال أفعالهـم ماتنطـرى
أعز نفسي عن مخاواهم لو ان الوقـت مـال
وأحط من بيني وبين أشباههـم ستـر وذرى
أخاوي الطيب وأعـده فالليالـي راس مـال
الصاحب اللي فالمواقـف والشدايـد يظهـرا
اما انت ياللي تنقلب مابين حال وبيـن حـال
لاتسري الدرب الطويل اللي يضيع من سرى
ارتح وخل الحمل يشتاله من يشيـل الثقـال
مدام قلبـك مايفـوق ودام عينـك ماتـرى
وش لك بترديد الحكي وش لك بتكثير الجدال
ماكل شـيٍ ينكسـر يقـدر يلصقـه الغـرى
اخذ النصيحه لاتناطح راسك بروس الجبـال
واحذر من اللي صار لايدري بها اللي مادرى
الله الله الله الله الله
مصافحة من الوزن الثقيل
وتبشر بقدوم شاعر علم في الابداع
سجلني واحد من متابعيد الكثر
حياك الله وبانتظار جديدك يا مبدع
اقف اعجاباً بالشامخه اعلاه
تحياتي وتقديري لك
|