مطلق الجبعاء

[align=center]هنا،،

لم أجد صوره،،

رأيته واقفاً على رصيف..الميناء مودعاً مع سائر مودعين تلك السفينه
لكن لم يكن يشبههم بوداعه..كان يلّوح بكل ما أوتيَ بقوه..ويصرخ وبصوته عبره حزينه
وداعاً
وداعاً
وداعاً


..
لم يقل مثلهم..إلى اللقاء ..!!

وبعد ثواني..أنصرف جمع المودعين لحياتهم.. وهو وقف ينظر في مكان السفينه التي أختفت بظلمات البحر..شاخص النظر..شارد الفكر..كئيب المنظر..تلمع دموعه بعينه .. وتبين من ضوء القمر المنعكس على البحر



//.
../
//.
../
//.
../
//.



[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راح صوتـك يـا معـذب .. لا تنـادي = المراكـب غـادرت جـال المدينـه
يا مفـارق لا تلّـوح بالأيـادي = ضاع صوتـك ما وصـل دون السفينـه
البحـر رحّـب وبـادر بالسـوادي = والمسافـر ما جـداه الا ونينـه
ذي بدايـة رحلتـه والليـل هـادي = والمشاعـر صاخبـه وسط السكينـه
عن سهـوم البعـد وشلـون التفـادي؟ =والرحيـل أعظـم من دموعـه وعينـه
صار غـادي .. وأنت بعـده صرت غـادي = بسمته صفـرا وضحكاتك حزينـه
يا ضحايـا .. عشـق وظـروف ومبـادي = يا قلـوب ٍ بالأسى ماتت سجينـه
الحياه أتعـاب .. وحظـوظ ٍ تعـادي = والمصيـر .. أفـراح وهمـوم وغبينـه
لا بيـاض ولا سـواد .. ولا رمـادي = لون باهـت .. والثلاثـه راسمينـه
لا تمـوت من النـدم والوضع عـادي = أنت ماقصـرّت حتى أسـال يمينـه
أبتعـد مغصـوب .. ظرفـه لا إرادي = كـان يعتبـرك موانيـه وضنينـه
دام وقتـه حـدكم يـم البعـادي = كلكـم راضـي علـى مـدة يدينـه
أختفت كل المراكـب .. يا منـادي = والمـوداع أنتهى .. وينـك ووينـه
رح وعيش العمـر لا تقعـد تنـادي = شكـرا ً لقلبـك عسا اللـه لا يهينـه [/poem]



//


(إلى اللقاء) تحمل بطياتها أمل ..!!
(وداعاً) تحمل بطياتها ألم ..!![/align]