[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشعر موعد فكر مابين الحقيقه والخيال = يجسد الواقع وتاريخ العرب وحروبها
غالي مثل صرف الذهب واحن من شوق الوصال = واحر من شمس الكويت اليا بدى لاهوبها
وقصديتي طرقى بتول وكل مافيها جمال = عشاقها واجد وانا من بينهم محبوبها
ماكنها الا بنت عودٍ مارزقهْ الله عيال = يبسط لها كف الحنان وتبشر ابمطلوبها
ولو كل شاعر في قصيده يوصل الحدْ الكمال = ماشفت ناسٍ تبهر الدنيا وناسٍ دوبها
وتجارب الدنيا تعلمنا الجواب امن السؤال = واهل الردى لجل مصالحها تموت قلوبها
الرجل ودّك كل ماجاله مع العالم مجال = يقول كلمة حق والهرجه بحلو سلوبها
بعض البشر ماتعترف بالطيب وتحب الهزال = من قال كلمه طايشه لو بالغلط طاروبها
ياكم صميدع راس بالمجلس سريع الانفعال= تمسك عليه المخطيه لو كان ماهو صوبها
في هالزمن مايقهرك الا خفافيش الرجال = اللي تعذرب بالبشر ولاتشوف عيوبها
الستر نعمه واكثر الانعام تاليها زوال = وناسٍ سترها ثوبها ناسٍ فضحها ثوبها
الصيت هو صوت الرعد والفعل برّاق الخيال = والشمس ماتحجب ابد حتى ابوقت غروبها
والصدر صندوق الهموم اللي بهدنيا تشال = ولو الامل ماخفّت هموم البشر وذنوبها
والعقل ميزان الرجل والقلب ساحه للقتال = ودايم عناوين الرجال تعملكْ مكتوبها
ماهو صحيح ان الولد طيبه يجيه امن الخوال = يطيب لامن صارت افعاله على ماجوبها
اقولها من تجربه يوم التجارب راس مال = واخطي مثل حال العرب ساداتها وشعوبها
والادمي لو ماتعلَم واستفاد امع الليال = مثل اللذي في ديرته ولايعرف دروبها
يارس سقها للسما معاد للصبر احتمال = وانت مثل حرٍ تعلّى والوساع ايجوبها
خابرك ياطير السعد دايم تبشّر بالجزال = وترجع علي باللي كفيفين البصر حسوبها
حتى ليامن انشدوني ويش جبت امن الثقال = اقول جبت اللي حلاها زايلٍ عذروبها
قصيدةٍ جمعت فيها الواقعيّه والخيال = وصلتها بسهل طريقه واعتمدت اسلوبها[/poem]

اللـي يخونـك ويعلّـم كـل ماخانـك = ابرك من اللي يخـــونك وانت ماتدري ؟!!

الاميل الجديد

tr.kuw-@hotmail.com