يا حمامه فوق غصن الشوق من يومين ناحت
ما بقى لي من غلا الاحباب غيرك يا حمامـه
قمتي تزيحين عن صدري همومه لين زاحـت
وانبلج نورك على قلبي وفكّـه مـن ظلامـه
هاك قلبٍ منجرح في جوف نفسٍ ما استراحت
ما يبون من السنين الباقيـه غيـر السلامـه
راح عمري واكبر الاحلام ويّا العمـر راحـت
لين صرت اشوف حالي جسمٍ تشيله عظامـه
وراح صوتي يالليالي يالليالي ليـن صاحـت
كلّ نبضة قلب فـي قلبـي وعزاللّـه مقامـه
ما يلوم الدمعه اللي من عيون العـز طاحـت
غير من لا قدر لدموعـه ولا عنـده كرامـه
جابك اللّه بسمةٍ للحزن في صدفـه واتاحـت
فرصةٍ للعمر لو ضاعت .! بدا عمر الملامـه
سولفي لي من ترف صوتك دلال الشوق فاحت
كن سمعي ظيف ولسانـك يقهويـه بكلامـه
ضحكتك تنسيني جروحٍ من الوقت استباحـت
كل عرقٍ من عروقي واتركت فينـي علامـه
لو بروق البعد في وادي جفا الاحباب لاحـت
ما يموت الحب فقلـوبٍ مشاعرهـا غمامـه
إحفظي كل السدود اللي عشان ارضاك باحـت
واوعدك لا احفظك .. واحفظ حبّك ليوم القيامه
ينصر دينك يا أبو مناحي
|