خلنا باليوم بكره يجي رزقه معه
وكل الله والسعي فرض بعد الاتكال
لا تزيد الضيق بالحرص والدنيا سعه
رزق بكره قبل بكره من الصعب المحال
انت ماتجمع سوى ما كتب لك تجمعه
قو من عزمك ترى المرجله صبر الرجال
وانت لو بالجهد تعبر فضاء الكون أجمعه
غير رزقاً يقسم الرب مالك به مجال
قارئ الفنجال ما حاش غير الزوبعه
لو يصدق كذبته واقعه وهم وخيال
الله الله ابداع وكلاام حكمة ، عز الله صدقت
ناهي
بيض الله وجهك وصح لسااانك لين ترضى يالقرم ،،
ابيات جزلة ومعاني وحكم عظيمة ،،
سلامي على ابداعك .
|