لا اله الا الله
وماشاء الله تبارك الوهاب
والله ما يحجم هذا الابداع والاتقان الا ضعيف الناع وظالم نفسه
والرفيق اللي معي يضحك والـه عشريـن نيـه
لـو يرتـب خارجـيـه داخلـيـه ماخفـانـي
فاهمن قصده واسولف معـه واسـراري خفيـه
في ضميرن مغلقه بالقفل عـن قاصـي ودانـي
وان بلغنا فالحديـث الشعـر روح الشعـر حيـه
مابعـد واريـت جثمانـه وعمـره ماعصانـي
شاعرن شعـري وليـد احـداث واهدافـه نقيـه
صارفه صرف الذهب ومجسده باحلى المعانـي
فيه من طهـر العفـاف وفيـه روح المعنويـه
لو بغى تحجيمـه اللـي يطربـه ياليـل ادانـي
مـن قناعاتـه وتفكـيـره ونـقـده ماعلـيـه
سابحن فكري مـدار الجـدي وسهيـل اليمانـي
ترتقيبـي ذايقـة شعـري وعنـدي شاعـريـه
مايقيمهـا ركيـك الفكـر مقطـوع اللسـانـي
دبلماسيـة قصيـدي فـي حصانـه عالمـيـه
من هل الاسفاف واللـي ودهـم تقليـل شانـي
ربـع قـرن بعالـم الاعـلام مجهـول الهويـه
ارمي النظـره بعيـد وتحفـر اقدامـي مكانـي
عن قنـوات الفضـا خـارج نطـاق الجاذبيـه
والمجلات اعتبرهـا فـي خيالـي شـي ثانـي
وان لقيـت الناقـد اللـي يستحـق الافضلـيـه
احترم رايه واقـدم صـدق شكـري وامتنانـي
لوحـة ابداعـي مـن النقـاد مااعلنهـا زكيـه
لو عليها جودتي مـن رابطـة سحـر البيانـي
ماخذتنـي عزتـي بالاثـم والهـقـوه قـويـه
لو فلان ولو فـلان ولـو فـلان ولـو فلانـي
وقفـو ضـدي وتيـار الـريـاح الموسمـيـه
انعكس سيـره بمـا لاتشتهـي سفـن الموانـي
مايصـح الا صحيـح القـول والدنيـا مـديـه
والنجاح من الرسـوب يبيـن عنـد الامتحانـي
واختلاف الـراي مايفسـد مـن الـود قضيـه
والثقه فالنفـس عنوانـي وعمـر العبـد فانـي
هكـذا سيـرة حياتـي والسـلام ازكـى تحيـه
والحيــاه اســرارها بيــن الدقايق والثواني
الشاعر المبدع / محيّا السلات
والله انك تصرف ذهب
و الله انك كفو لكل هذه التعريفات والاعتزاز بشعرك وموهبتك
ومن ردا حظها اللي انت خارج حدود جاذبيتها
لله درك يا المبدع
ولا يهمونك ابدا
عساهم فداك من يحاولون غط النور !!!
صح لسانك بلا عدد ،،
..
|