|
(( رتبت نقيب ))
السلام عليكم ورحمة الله وبركاته
اعتذر عن الغياب الغير متعمّد
وجديده للتواصل تقبلوها..................
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مايهوّن كثر الاحزان وظروف الحياه = لابدت بعض الهقاوي تخيب ولا تصيب
غير جيبٍ ماهو بكل من شافه شراه = قيمته ماهي بتعطى ولا تهدا قريب
يمكن انّك من حلاته ومن كثرة غلاه = لو تزيد ابه الحراره توديه الطبيب
رنج روفر يلوي ارقاب ويفتّح فواه = ياخذ من الحرّ عينه ومن مقفاه ذيب
المرايا كفوف شيخٍ يكبر للصلاه = فيه من لون السحابه ومن لون الحليب
لمعة ازراره على الباب وبكل اتجاه = كنها نجومٍ تلالا على رتبت نقيب
حنت بلوفه ليامن سواقه عطاه = كنها تنهيدة الشوق من قلب الحبيب
لاتقدّم والمواتر تتابع من وراه =قلت هذا الزير سالم يبي الثار لكليب
وان تمايل والمواتر يمينه وايسراه =مهرةٍ فيها من الغنج بالشي الرهيب
مهرة ماهي تغطي مفاتنها عباه = خصرها يا أمّا فرى كبد والا طرّ جيب
يركبه في كل دارٍ شيوخه واوزراه = والا بعض الناس يضرب على بابه صليب
ماشريته لا اجل اباهي بحسنه وبحلاه = كود اسنّد به شعيبٍ واحدر به شعيب
لاتضايق صدر راعيه من كثرة عناه =وقامت هجوسه تودي من الضيق وتجيب
تلّ مفتاحه وشيّك على زيوته وماه = ثم طلع من طلعت الصبح الى وقت المغيب
في زمان فيه الانسان شوفه هو عماه = مايميز في عيونه عدو ولا صحيب
من كثر مالطيب هالوقت مايلقى جزاه =صرت احس ان الردى طيب وان الطيب عيب
لو حسبت حساب للوقت وادراجت رحاه =كان ماهتمّيت جرحي يطيب \ ومايطيب
مشكله لاتاه الانسان واحتارة خطاه = ووقفت كل امنياته على باب النصيب
مالوا قلب المعّنا وسوابه سواه =غير شيٍ كل ماجيت ابا اطوله يغيب
مير يستاهل (براده من يضيع دفاه)=غلطة يذنب بها الطفل بتشيب ويشيب
والفرج شيٍ من الله لقاه اللي لقاه = وش نسوي بالاماني وهي حظ ونصيب[/poem]
انت بردي وانت عن بردي غديت لحافي = وانت فكرة شاعر(ن) مبدع بليا مطلع
وانت كنّك بالخفوق ( معمر القذافي ) = تدفعك عوج الضلوع ولا انت راضي تطلع
....,
st_bn_btlaa@hotmail.com
|