منتديات المرقاب الأدبية - عرض مشاركة واحدة

05-08-2008, 04:27 PM

مـدري اذا تدريـن باللـي فـي بـالـي
ولا تبـيـن آبيـنـه قـبـل لا آروح!
كنت اذكـر انـي راسمـك فـي خيالـي
ظـل وحمـام ابيـض وتغريـد ومـزوح
ما كان حالي قبل اعرفـك بـ( حالـي )
ولا كان شكلي قبل لا اعرفْـك مملـوح!
جيتي وجبتي لـي جـواب لـ( سؤالـي )
من يعطي لـ( سيّد ضلوعي ) بعض روح؟!
لكن قبـل لا افـرح ويكمـل وصالـي
طار الحمام وشح بـ( الفيّـه ) الـدوح!
قلبـك رحـل ، وانـا هنيّـا بقـى لـي
حزن وبقايا حلـم وإحسـاس مجـروح!
شمّاعـة اعـذارك ( ظـروف الليـالـي)
لو إنهـا عـذري فـلا نيـب مسمـوح!
حتى لو انه جاز لـك .. مـا طـرى لـي
اتذرّع بـ( عذرٍ ) مكـرّر ومفضـوح!!
لكـن علـى كـلٍ .. اعـذرك ولا لـي
الا اطعن بنصل الجلـد طـاري النـوح!
جيتك وصمت الحزن يصرخ بـ( بالـي )
ابوح لو ما لـي ورى البـوح مصلـوح!!
اقنعـك ولا مـا اقنعـك .. مـا أبالـي
اصلاً انا فـي كـل الاحـوال بـآروح!

الله الله الله

صح لسانك يا السمي على هالفارقه المتفرده بالجمال
صح لسانك يا مبدع مليوووون × مليووووون

أخوك/محمـــد ال عبـــدان