|
حشمة الغالي
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الطيب اللي قدم رجله على حده=ماهو يقدم قدم رجله على حدي
اعد عشره من اهل الطيب واعده=واجزاه بالطيب ماني فيه متردي
والجاهل يصير في علمٍ مهو قده=على حقوق العرب مخطي ومتعدي
والمشكله كان صار قريّبٍ جده=ودي ومن حشمة الغالين ماودي
اخاف من شرهة العاقل ومن صده=وخسارتي للرفيق ووقفته ضدي
واصبر لو ان زلته ماسجلت ضده=واسكت ولا ابيّن العالم على سدي
لو كلمته موجعتني قدلها مده=لكني اقول كم من يوم وتعدي
كله على شان قرمٍ ساعة الشده=للطيب جامع وللصعبات متحدي
من حشمتي له ومن قدره ومن وده=رفعت نفسي عن اللي ماهو بقدي
ولا ماوالله يروح الا معه رده=وان قال عساك تمزح قلت من جدي
ردٍ مثل حد سيفٍ مرهفٍ حده=يبطي وهو ماينام الليل من ردي
بعض الرياجيل لوتجبره وتحده=للطيب تلقاه لا ياخذ ولا يدي
نفسه من الطيب واهل الطيب منسده=متعشي بالردى راسه ومتغدي
ان كان به شي يجرح خاطرك عده=وان جا اللزوم يهبا ماهوب متبدي
ان راح ياجعلها روحه بلا رده=اما مع اهل الحمر ولا معا جدي[/poem]
يالخوي اللي مايشكي من قسا الدنيا خويه=لاتخليني من الضيقات والهم اتلوى
لو اقول اني على احسن حال وعزومي قويه=والله اني مونسٍ حر الجمر غير اتقوى
|