|
شعر البدو ماجاته الإنتكاسه
[poem=font="Simplified Arabic,6,darkblue,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="0,black"]
الدين والدنيا بها راحة البال= والكفر والإفلاس ذل وتعاسه
والدين مابه شك يغني عن المال= والمال دون الدين ياعظم باسه
حتى لوإنّه ينعش الحال في الحال= لاخالف امر الدين سحت وخساسه
واحنا بشر نعمل ونجزى بالاعمال= ونقيس واقعنا وندرك قياسه
(حتى الإناء لازودو سائله سال= ينضح ويفضح ماتفيد الد ساسه)
مابالكم شحصاً على الناس يحتال= زاد التمادي وافتكرها وناسه
الله عطاه إمهال ويضنه إهمال= حتى لبس له ثوب ماهو مقاسه
والثوب ذا معروف لو ماشمر طال= مثل إندفاع الشي والا إنحباسه
هذي معاني جبتها لجل ينقال =شعر البدو ماجاته الإنتكاسه
الشعر يزهي بالمعاني ويختال= واللي عجز يلقى عذر لالتماسه
جمال ماتنساق مع كل جمال=لازم وجود الموهبه والفراسه
اللي بنت لي مع هل الشعر منزال= صارت بفضل الله عموده وساسه
واحفظ لبيت الشعر تقدير واجلال=بالكسر والا الجبر ما ارضى مساسه
لِن الشعر موروث يورث للأجيال= واغراض شعره تستحق الدراسه
تبنى عليه امال ويحطم امال= واقرب مثل شعر الهجاء والحماسه
يخفض و يرفع معنويات الأبطال=لادق طبل الحرب وادنوا لباسه
واليوم صار الشعر دوري ولازال= يتعاقب الشعار في رفع كأسه
وانا مشارك مقتنع طيب الحال= كلاً على ماقيل عقله في راسه[/poem]
جربت بالدنيا وياما وياما = لوني صغير السن لكن جربت
من كثر ماجربت طعن السهاما = كني من الشيبان لو مابعد شبت
|