مابين صبح الولـه والليـل
شوقي لكـم أعلـن الثـوره
ماينفعـك بالعمـر لا قِـيـل
غصن الهوى طارت طيـوره
كفْ الهجـر لاتزيـد الكيـل
عان الأحاسيـس مذعـوره
حلْ العطش يا مصب النيـل
يبسْ الهوى بـلْ حنجـوره
ماعاد بأعتى عروقـي حيـل
لاتطلّع القلـب مـن طـوره
أثبتـت مايلغـي التـأويـل
رجل الوصل منك مكسـوره
شف نظرتي كل ليـل تخيـل
طيفك .. وذا العين مقهـوره
حتى الوفا لا شقـاه الويـل
أرسل ورى هجرك إسبـوره
على النقا فوق ظهر الخيـل
تاتيـك الأشـواق مأمـوره
يبرك لحمـل الثقـال شعيـل
وفعايـل شعيـل مـذكـوره
يامرتـل ٍ شاعـرك ترتيـل
معناه .. قيفانـه .. بحـوره
من علّمـك تتقـن التمثيـل
وتكون في داخـل الصـوره
قل له : نعرْف الجدي وسهيل
لو كـان مايعـرف شهـوره
ما أحتـاج للمسألـه تحليـل
واضح على مثلـك شعـوره
جيل أنتهى معْك وأقبل جيـل
صعب ٍ علي أقطف زهـوره
تعبت أحـط الفكـر وآشيـل
نفسي على الهـم مجبـوره
ترى الزُبى قد وصلْه السيـل
لاينكشف لـ/ الوفي عـوره
قم لـ/ الوصل وفّه التبجيـل
قبـل الغـلا ينطفـي نـوره
الله الله الله ابداع منقطع النظير
لله درك ياماجد
تقبل المرور والاعجاب
اخوك
|