[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مساء الخير يامجد الرجال وعشقها الموروث=على مر السنين اللي صباحاتك تمسيها
على شانك ظميري بالوفا والمرجله محروث=بنسمات العبير اللي شذى عطرك يساقيها
الى بيح كنيني وقتي المسعور والمغلوث= تراقص لي شياطينك تسليني واسليها
كذا والآ كذا مايسر الله والقدم محثوث= تغنيني مغاتير السوالف قبل اغنيها
تعوث بخاطري بيض الصور لا داهمتني عوث=تسريني على القمرا لجل عينك وأسريها
فياضك لاسريتك وردها من قاعته مجثوث= على صوتي تباريني متاهاتك واباريها
حزين الوقت كنه لاتخاوينا معك مبعوث = يحث الرجل يمك لين تتعب لك مساعيها
يحاول قد مايقدر يلم اشتاتك المبثوث = مواهب ميته في داخله عشقك ينميها
بها يمكن يقرّب او يعرّب عهدك المنكوث= وتصبح فيضة النوار والنوار كاسيها
مساء الخير ياعشق الرجال وشجرة الموروث=مساءً من عناقيد الولع صوتي يمسيها[/poem]