[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راحت وذكراها على القلب لازال "=" راحت وكن الروح راحت معاها
الشوق يذبح وأشهد البعد سلال "=" وسلال قلبي يوم غيري خذاها
ماهو ببن عم ٍ ولاهو ببن خال "=" من قوم ناس ٍ ماعرفنا نباها
اللي بغت ذكرى على قب الأطلال "=" ودموع عيني كثّر الوبل ماها
رجال مايبكي على فقد رجال "=" أبكي على اللي سم روحي هواها
بنت الرجال اللي لهم طيب وأفعال "=" نضراتهم تبعد علينا مداها
يوم العرب مابين فارس وخيال "=" والنار لاشبت يبينّ سناها
هل وقعة ٍ يدريبها نايد الجال "=" يوم العرب فالقوم يدرج رحاها
حماية التالين نطاحة القال "=" والقوم لاقفت نعلنا ثواها
لاحد ٍ يلوم القلب لاصار سلسال "=" في عنق ...... جعل قلبي فداها
أحبها والحب له لون وأخصال "=" ودعتها وداعت اللي حماها
محبة ماهيب من نوع جوال "=" ولاهيب سلعه كل من جا شراها
رضيت فالمقسوم والحب لا زال "=" وراحت وكن الروح راحت معاها[/poem]
|