حنا هل التاريخ واهل المجد ياراع العلوم = وحنا هل الفزعات في وقت الشدايد وش تبي





وحنا ليا منا نصونا الناس في وقت اللزوم = نبهج صدور الطيبين ولانطالع فى الغبي





وحنا سلايل شايبن ماهو عن الطيب محروم = ولاانت وشكالك نقوللها ليا جات تهبي





وحنا ليا منا بغينا شي ياباشه نقوم = ومن عادتي مارخيك ياراسي ولاهين اشنبي





وانته ما غير تهز راسك وانت مانته بمعصوم = تشب السوالف فى المجالس يا دغم الشارب شبي





يااخي ترانا من عوايدنا نقمقم للرخوم = وانت الرخامه ورث ابوك وعادتك وانته صبي





ياخي ليا شفت المجالس جيت برويسك تحوم = ياخيبت اللي منك يبغى راس مال ومكسبي





مسكين لامبدى ولالك يادغم الشارب لزوم = تهز راسك شرق وتعود تهز مغربي





اسمع غنين عنك وشكالك عساها ما تدوم = عسى تلقاها المجنن لين تسبيها سبي





حنا ترانا في غناتن عنك ياراع العلوم = ياهيه وقف عند حدك وش تريد وش تبي

تدري وش اكبر هم لاجاك ناصيك = ليا جاك محتاج ومصيبه خلافي

ليا جاك يطلب وانت تقرع مخابيك = ودك بعلم الطيب والوقت جافي


ديــوانــي fs7-@hotmail.com