|
ماترجع الغصه !!!!!!!!
[poem=font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لو ترجع الغصه من اللي بلعها = ماشالت العالم من العالم هموم
ولوكل واحد ماضياته رجعها = اكيد يتندم على حاله اليوم
النفس راحتها معا من ردعها = مايلحقه شرهه ولا يلحقه لوم
والناس ترضى عند من هو نفعها = دررسٍ من الايام واضح ومفهوم
والكايدات اسهل على من طلعها = ومصعبين الصعب خبلان ورخوم
ونفس الكريم من الكرامه رفعها = تقوم قبل اتطيح واتطيح واتقوم
والامعه حكمه لنفسه صنعها = غني بلحن القوم تصبح من القوم
برب من صاغ البيوت وبدعها = اني مع العالم مشتت ومنجوم
اتيه في دربي وانا من جمعها = واتعب معا قولة مقدر ومقسوم
اذا الخطا مني واضيع سنعها = الناس هذي بين معطى ومحروم
واذا الكرم ضيع لنفسي طمعها = بيت الكرم مبني ولو كان مهدوم
نفسٍ تعيش ومابقى شي معها = ونفسٍ تموت ان فارقت رزق محتوم
ونفسي وش اللي زاد فيها وجعها = الا زمن خبلانه تعاند قروم
ياهيه ماضيق بعيني وسعها = الا خصومٍ عيبها تحسب خصوم
يارحمة اللي جا لعيني وضعها = في سهرها والحين ماتعرف النوم
ماترجع الغصه من اللي بلعها = والناس زادتني على همومي هموم[/poem]
نغمة حزن دقت مثل صوت الاجراس = وجاوب لها هاجس حنيني بطاروق
وفكرٍ غدى في زحمة الليل محتاس = وجسمٍ خلا من قلب عايش على عروق
قصيدةٍ ماهيب تكتب على ساس = جتني ومعناها من الحزن مسروق
وكتبتها ودمعي مثل حد الامواس = سوى على وجهي علامات وفروق
سولفت فيها معا هوى ليل الاتعاس = وآخر كلامي كان بحساس محروق
اللي ذبحني صدق دمعات الاحساس = لحظة ذكرت الحب والشوق ياشروق
لو قلت احبك خايف تقول هلاس = كلمة احبك دربها صار مطروق
انا فديتك لنك من اقرب الناس = انا فدى برقا وقلبي فدى روق
sa-1400-ad @hotmail.com
|