.

لتفعيل التواصل

وعذراً للانقطاع



.

[poem=font="Simplified Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يابنت صدق انك بقلبي خذيتي = مكان ماغيرك وصل له ولا جاه
جيتي وفي عالي سفوحه وطيتي = جيتي وخانو جند واستسلم رماه
في عالي حصون الخفوق اعتليتي = وانا بزعمي ماحد يقرب حماه
ماهزه احد من الملا لا حييتي = لوهازه ذياب الهلالي بشلفاه
وشلون لك دان وخضع واستويتي = للعرش والسلطه مع المال والجاه
لبستي التاج العظيم ووليتي = قلب ماحد يجرا من الناس يالاه
وفرضتي الجزيه علي وجبيتي = ماتملكه حواسي الخمس جبناه
وحكمك عليه صار سجني ببيتي = ممنوع حتى القلب يدله بذكراه
وممنوع لااتذكر نفوذي وصيتي = وممنوع مثلي لايبيح بشكواه
وممنوع لا اجزع من خطاك ان خطيتي= غصب علي اتقبله واتحلواه
عن شوفتي كل الخلايق حديتي= وانا حديتيني على غير مشهاه
لكن نسيتي شي واضح نسيتي = نسيتي اني حر من حر مجناه
ماصبر على الجفوه لمنك جفيتي = والظلم والزلات والجور مارضاه
لي نفس لاهنتي بقت مابقيتي = دام احتلال القلب يستنزف دماه
يانفس قلبي لو تعب لاقويتي = الوقت والايام تكفل لي دواه
خلاص كل شي انتهى وانتهيتي = وزمام قلبي باليمين استلمناه
مسحتك من الذاكره واختفيتي = ملف معطوب وثقيل وحذفناه
تلقين لعاب الخنا والخبيتي = اللي بمزماره يلالي ملالاه
معه اطربي غني وغيبي وبيتي = لعل تلقين الوناسات واياه
ماهي غريبه لاهتنا واهتنيتي = طير ولقاله من بني جنسه اشباه
طيري معه \ لعل ماكان جيتي = ماني بقيس ولانتي لقيس ليلاه
وانا عزاي انك معي ماوفيتي =(ومن باعنا برخيص ببلاش بعناه)
لامطفي ٍ شمعي ولااحرقت زيتي = واللي علي مكتوب باللوح بالقاه
.[/poem]