السلام عليكم مسيتوا / صبحتوا بالخير جميعا
اضع بين ايديكم جديده عساها تلامس ذائقتكم (مع كل الود للجميع )
[poem=font="Simplified Arabic,7,sienna,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غنوا مهبل وقالوا شيلوا الشيله = ابيات مترتبه وابيات منعاجه
جاهم اديبٍ وقال القاف شحليله = لكن لي نظرتي ياليت نتواجه
في بيت ملوي لوي مبني على ميله= ياليت يرجع له اللي كان منتاجه
قالوا المهبل نغنيها على حجيله = والشعر شيٍ سهل في عين من داجه
ثم قال منهو كسر لو تكسر رجيله = يشوف حصن الشعر مايدخل اسياجه
ثم جيتهم قلت ويش العلم ذا الليله = الليل روح هدوه باقي ازعاجه
توي لحالي وتو اقول ابو قذيله = جيتوا بالاصوات شعري ظلم سراجه
قالولي احكم حكم هذي معاديله = علك بحكم تطفي نار وهاجه
قلت اتكلنا على الله شيلوا الشيله = لحدٍ ليامن حكمنا يعقد حجاجه
غنوا وكلٍ يغني من مواويله = شيٍ معدل وشيٍ ضايع علاجه
ثم قلت نرضي الاديب وقلت اسويله = بيتٍ لعله ينسيه الذي واجه
لاقل مالك واذا قلت بك الحيله = اتغلطك ناس ماتفهم ولا حاجه[/poem]