مطلق الجبعاء

[align=center]الشيـخ / راكان بن حثلين -رحمه الله

أمير قبيلة العجمان .. شخصيه برزت بالشجاعه والحكمه والشعر

وهو من أركان الشعر النبطي بالجزيره

ولدي بعض القصائد له :



[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
خطك لفا يا حمود والنـذل يفـداك=وفهمت أن معنى الكلام النحـاوي
وان عرفت أنـك سفيـه بمعنـاك=ولا تحسب أنك في كلامك رهاوي
وان كان تبغي النصح حنا نصحناك=واخذ كلام الصح صـدق شفـاوي
واياك لا تفطـر عيونـك بيمنـاك=وترك كثيـر الهذرمـة والهـذاوي
وإبليس لا يرميك في بير الإدراك=وتراك فيما قلـت بالقيـل غـاوي
وأنا نذيرك يا بن الأمجاد وأنهـاك=هديـة ٍ كليـن تبغـى الـهـداوي
وإن طعتني ولا ترى قداك ما جاك=وربي حذف بـك في كبـار البـلاوي
يا ما وياما يا السنافـي ذخرنـاك=في حشمة الممدوح عطب الأهاوي
لا شك خليناك مـن شـان ذولاك=ربـع ٍ لهـم ورد ٍ بيـوم العـزاوي
يا حمود يا مسكين يا ما تركنـاك=مسكين ما تحمل ركوب ونحـاوي
أخذ كلام الصدق ما هـي حكايـاك=كـلام منهـو مقعـد لكــل داوي
والله لو نبغيك أن يطنب أرغـاك=وتقعد على المرحان يا حمود ثاوي
وإن كان قصدك قيل حنا عطينـاك=كانك لنظم القيل طـرب وكهـاوي
ترى مشير السو جابـك وخـلاك=خلاك فـي جـو ٍ وحيـد ٍخـلاوي
ذكّره حمّى ليت حنا حضـر نـاك=حتى تضيـع مروتـك والهقـاوي
يا ليت حنا يـوم جيتـو اطحنـاك=حتاه ما يبقـى لجمعـك شـلاوي
وذكر نهـار بلهيليطـه جزرنـاك=طرحناكم مثل الخشـب متسـاوي [/poem]




وهذه أخرى له :



[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا الله يا علام كايـن ومـا كـان=يـا واحـد ٍ كـل امتـه يرتجونـه
تفرح لمن هو بين الأتراك منهـان=من غير قاصر دارهم لي مهونـه
ودي بشوف ديار مروين الأسنان=أهل الشهامـة والوفـا والمعونـة
افعالهم ما هـي بـزور ٍ وبهتـان=فعـل ٍ شهيـر والعـرب يذكرونـه
الله يسقـي داركـم ذخر عجمـان=وبل من المنشي تكاشـف مزونـه
أسود عريض ريض لـه تحنحـان=كن الهنادي سلـت فـي ركونـه
من حومة النقيان لا حد قصـوان=تسبـل هماليلـه ويسـود لونـه
ويسقي من العرفا ليا جو ساقـان=والصلب لاجـا دراهـم يكرمونـه
ديره بني عم ٍ على الخيل فرسـان=والضيف لاجـا دراهـم يكرمونـه
حامينها بقديمـي ٍ صنـع نجـران=شلاع ما يبـرن الاطبـاب كونـه
وحدب ٍتقص الراس من حد الامتان=يقضي بها الديـان باقـي ديونـه
بايمان قوم ٍ لا حتمى الهوش فرسان=والضد لـوه نـازج ٍ يـا صلونـه
جلابـة ٍللـروح لاثـار دخــان=والروح لـوه غالـي ٍ يرخصونـه
كم شيخ قوم ٍطوحوبـه بالايمـان=خلوه في الميدان يطـرخ زبونـه
ومن زان حنا له على الزين بأحسان=ويا من وحنا بالعهـد مـا تخونـه
وليا نوانـا بالقوامـات خسـران=يبطي سهير ٍمـا تغمـض عيونـه
وصلاة ربي عد هتـاف الامـزان=لمحمـد اللـي منهجـه يتبعونـه [/poem]





وأيضا ً :



[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

البدو يـا خالـد نـووا بالمحالـي=وأنا ثمـر قلبـي قعـد بالجوافيـر
يبغون براق ًٍسمـر لـه أشغالـي=تصبح اقنوفه عقب سيله مزابيـر
والكبد قاليها مـن الحـزن قالـي=وقلب الحطا كنه على قالـي الكيـر
على جواد ٍ مثـل ظبـي الرمالـي=مثل العنود اللـي تـرب الدعاثيـر
العنق عنق اللي شطنهـا الغزالـي=واذنيـن مثـل ملفقـات الكوافيـر
وكن صدرها حزفن من البز غالـي=أو باب حضـر ٍربعـوه النجاجيـر
وذرعان مثـل ملحيـات السيالـي=وسيقان مثل مهدفـات النواعيـر
جنوبهـا عـدت ابنـوق الجلالـي=والحارك أشعى مثل رسم ٍعلى بير
وجنبين ما قاست عليهـا الحبالـي=ولا وثرت فيها ضروس الشنابيـر
والذيـل هملـول ٍ قفـاه الحبالـى=في عرض مطار ٍ حقوق الشخاتيـر
اوصافها لا مـن زواهـا الحيالـي=قرناس هاوي من رفيه المواكيـر
يا طول ما تثني الجـاذي التوالـي=وعدا الولي منها بحسن التدابيـر
ولا عاد من فعل الولـي احتيالـي=جاها سهمها مـن ولـي المقاديـر
يبكـي عليهـا جـل ذود ٍ متـالـي=لا بكّر الوسمـي امزونـه مباكيـر
كم قلطتهم صـوب زيـن المفالـي=في خايع عقب المطر ما بعد زيـر
ويلا غدا الصمان مثـل الزوالـي=وزافت جويات الهمـل بالنواويـر
وانش على القرعأ سحاب الثقالـي=من فيصل ٍ حـط الخبيـرا مياسيـر
يضفى على السوبان سيله رهالـي=منه القـوارش فاخـتن المجاحيـر
اليا كبر نبته في الوطأ والعوالـي=انواع نبتـه غـادي لـه تفاكيـر
ترعـاه دق أذوادنـا والجـلالـي=حلايب الفرسان وقـت المصافيـر
شقـاح يزهاهـا بزيـن الدلالـي=صفر ٍ عليهن مثل وصف المقاصير
تبرا لها الفرسان في كـل حالـي=وترعى بها القب المهار العياطيـر
يرعى بهم راعي القطيع الهزالـي=ويرتع ولو جاه النـذر والشعاثيـر
وان هج زمل معكرشـات القذالـي=وتوايقن من فوق عوج المخاديـر
وكمـل يقيـن محذقيـن العيالـي=وخفوا وخلوا خلفهم والمصاغيـر
وثار العجاج وكثـر فيـه القتالـى=ولحقوا يبون مثقـلات المضاهيـر
لاجـن مثـل مخزمـات الجمالـي=وتزاحمن قحص الرمك بالمناعيـر
وذكر عليه الدين فـي الاجتوالـي=ولدن القنا في ايد الوجيه المسافير
نلحق على قـب ٍ شعاهـا الحيالـي=قحصن تخافق مثل وصف المعاشير
وليا حدوهـن مهمليـن الحبالـي=تحششوهن مـن ثقـال القناطيـر
لو ما جناح الطير يبغـى التوالـى=عشاه من نظم العيـون المقاصيـر
وجذي الحصـان ورفـعن الثقالـى=وجنك ريـاع ٍ مبعـدات المعاذيـر
وصلاة ربي عـد رمـل السهالـي=علـى نبـي خصـه الله بتقديـر [/poem]





وجزيل الشكر .. للأخت / الفجر البعيد [/align]