اتعبتنى يا طـاري الشعـر والبـوح
وخليتنى عايش على خـف وجنـاح
بعض البشر ياخذ معك وقت ويـروح
ويبقا بذكره داخـل الـروح مـاراح
وبعض البشرمكتوب عرفه على اللوح
ويروح مثل الريش فا انسام الاريـاح
لو كان ميلاف ٍ ولو كـان طحطـوح
فرقاه في دنياك هـى راس الاربـاح
ما للغلا داعى ليا امسيـت مجـروح
وماللخوى..خوه.. من العين لاطـاح
بعض المفارق يبعث الروح فالـروح
وبعض المفارق يذبح ارواح وارواح
والحب لولا الهـم والغـم والنـوح
ومجاوب الورقـا لفـلاج الاصبـاح
يمديه مثل العد ابو عـزب وسـروح
عليه ضول النـاس سانـى وميـاح
فترة جهل تمضي على الرجل ويشوح
ويصد عنه وسـد الاجـواد مابـاح
يالله عسي ذنبي مع الغيـد مسمـوح
استغفرك من كل مسـري ومسـراح
الا ان كان الشعر والذنـب مدمـوح
دامى من الخفـرات دالـه ومرتـاح
العام اجاوب بالغنـا نايـح الـدوح
واليوم ما اشفقله ولا اطرب ليا نـاح
ماعاد يطربنى مـن الغيـد مملـوح
القلـب قفلتـه بضـبـه ومفـتـاح
والله مغير القاف والشعـر والبـوح
اللى مخلينـى علـى خـف وجنـاح
لله درك .. و الله لا يضرك
|