صدق الولا واجمل تراحيب ابـن زيـد
عيبـن عليـه ان قالهـا ماجهرهـا.
ترحيبتـن ماهيـب ترحيبـة ازهـيـد
روس العرب منهـا يوقـف شعرهـا.
قندت…هاجس منطقـي فيـك تقنيـد
ومن الجريد البستـه اغلـى دررهـا.
يمك اتساق اجمـوع ماهـي مفاريـد
من سـاس ذاتـه صنعتـن مبتكرهـا.
ياسيفنـا الدايـم ويامبـعـد المـيـد
عيون شعـري منـك تاخـذ بصرهـا.
اجـدد الفـكـره وتــزداد تجـديـد
لا صـرت دافعهـا وربـي ومـرهـا.
ياعدنا...الراهـي غزيـر المـواريـد
ياللي عن اعدود الرهـا عـدك أرهـا.
أنت الأمير اللـي نظـر عينـك ابعيـد
يفداك مـن عينـه قصيـرن نظرهـا.
دايم علـى الهقـوات بفعولـك اتزيـد
مثـل الحـيـا لا زار دارن عمـرهـا.
زاهـي مرابيعـه كسـا جرهـد البيـد
واحيا الهشيـم اللـي تـوالا دهرهـا.
أسمك امخلـد عبـر الاجيـال تخليـد
الشمس من ينكـر ويحجـب سفرهـا.
الطيب صيد وصدت منه ...اندر الصيد
هـاذي مقاسيـم العـبـاد وقـدرهـا.
الطيـب طبـع وفالتطـبـع مناقـيـد
طعم الملوحـه ثابتـه فـي بحرهـا.
يومن دعاني فيه فيصـل كمـا العيـد
وحواجزن تمنـع وصولـي كسرهـا.
لبيـه يالداعـي وصـدق المواعـيـد
شيخـن تلقيـه المراجـل نحـرهـا.
من ساس اسود اسياد...روس الصناديد
قوم سلايـل زومهـا مـن سطرهـا.
قومـن تكيـد الكيـد لمـدور الكـيـد
قومن قبـل تسطـي تسبـق نذرهـا.
اليا اختلف عـن موقفـه كـل رعديـد
والخيـل فالمركـاض ثـور قتـرهـا.
ثـم.. احرفوهـن بالأعنـه مسانـيـد
سلايـل العوجـا وهيبـة دجـرهـا.
فـي وقعتـن منهـا تشيـب الاواليـد
واللـي وردهـا مايحسـب خطرهـا.
وفيصل حفيد اموحـد الملـك توحيـد
بـذرة وفـا نجنـي طلايـع ثمرهـا.
من دعوتـك ياسيـدي فيصـل اتعيـد
تجبير كسر اشعـور محـدن جبرهـا.
وعين السهير اللي سهرهـا سراميـد
من وقفتـك قامـت تـوادع سهرهـا.
منكم لقا فيض اجـزل الشعـر تمجيـد
وخسران من فزعة سمـوك خسرهـا.
يامن نقضت القيد..مـن محكـم القيـد
اليـا قصـر كـف الجفا...ماشبرهـا
يالطيف يالطيف
قصيده متعوب عليها
صح لسانك عددها
تحياتي
|