|
نومي على راس كوعي !!
[align=center]السلام عليكم ورحمة الله وبركاته
من الارشيف
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياشوق نام وعيش في جو الاحلام = خل السهر للي يصد الجموعي
يسهر يصد جموع همه ولا نام = من قو قلبه صار قلبه جزوعي
قبل امس والبارح من اليوم والعام = دايم وانا نومي على راس كوعي
الله على سود الليالي والايام = عندي تساوى سبتها والربوعي
ماهو بكيفي صدر الوقت الاحكام = وخلاني ارخص ماجرى من دموعي
تعرض على الذاكره مثل الافلام = كني شريده مابقى من ربوعي
ساعاتها تقضي تفاكير واوهام = صابر ولا يدري من الناس دوعي
عليك يالي صرت للموت عزام = انته ضمى كبدي وهمي وجوعي
الي بقى من جسمي عروق وعظام = سرقت قلبي من محاني ضلوعي
حرام ترخصني وانا اجيك سوام = اغليت سومك ياحسين الطبوعي
صوتك جذب روحي وصورتك قدام = عيني ... لو انك ياغرامي قطوعي
ارحم ترى من ضام الاجواد ينضام = وانزل علي وخل عنك الطلوعي
داو الجروح الي لها سبعه اعوام = حفظت عد شهورها والسبوعي
ودي على حكم الشريعه والاسلام = انته وانا والكل منا قنوعي
يكفي حياةٍ كلها صد وخصام = ودي بوصلك يوم طيرت شوعي
وان كان حظي يااريش العين ماقام = ولا يجيبك من يرد الرجوعي
ابعد علي من اليمن لاسفل الشام = ياعين حرٍ صيرميٍ بتوعي[/poem]
وسلمتوو ,,
هايف الشويّب[/align]
يازين حبك برى حالي = تشهد على حبك جروحي
دايم خيالك على بالي = عقلي معك وين ماروحي
في كل زولٍ تورالي = انته غرامي مصلوحي
افرح ليا شفتك قبالي = واضحك وانا منك مجروحي
حلفت بالواحد العالي = مانساك انا يابعد روحي
وشلون ابنساك يالغالي = لايابعد كل مملوحي
ودي معك دايم لحالي = ضحك وسواليف ومزوحي
والزين يشرى بالاموالي = موتٍ له الدرب مفتوحي
ياراس مالي وغربالي = تخطي وانا اقول مسموحي
|