منتديات المرقاب الأدبية - عرض مشاركة واحدة

28-08-2008, 04:33 PM

لا الوقت جابه .. ولا الأحلام رجعته
والصبر يلوي ذراعي والوي ذراعه

مخنوق واللي بقى من هالصبر بعته
ولا ادري إذا صاحبي .. كثر الغلا باعه

يا كثر للحب ما اغريته وشجعته
لين اصبح الحب ينبض داخل اضلاعه

ويا كثر للوصل ما حاولت واقنعته
وبعد اقتناعه يغيب وعذره اوضاعه !

ويا كثر بالحب ما جاني ودلعته
أطرب لصوته وشعري يطرب اسماعه

كان بيدي بس مدري كيف ضيّعته
وضيّعت عمري معه والوقت شمّاعة !!

غيابه الموت .. لكن ما توقعته
يبخل على صاحبه في رفع سماعه

الله الله

صح لسانك يا زايد مليووون
مشاعر جميله في قالب شعري أجمل
لا هنت
لا هنت

أخوك/محمــــد ال عبــــدان