[align=center]بسم الله الرحمن الرحيم

هذه القصيده مجاراه لقصيدة الامير محمد بن احمد السديري

اللتي مطلعها ((الله من همن بروحي سهجها)) وكنت محتفظاً بها للوقت المناسب .. وعندما طلب

من المتأهلين في مسابقة شاعر العرب في قناة رواسي مجاراة نفس القصيده كنت مظطراً لنشرها

في المنتديات وخاصتن هذا المنتدى الراقي حتى لاتحترق فكرتها ,, أمل ان تحوز على رضاكم

((وترقبوا اقرب مجاراه لها ))[/align]



[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

بالشهد قيفان السديري مزجها=نلقابها لرواحنا قوت وعلاج

لروح(ن)بها نار(ن)تزايد سرجها=باعماقها قامت توهج توهاج

حبيت اجاريها بصدر(ن)على (اجها)=وحاولت اجاريها بعجز(ن)على (أج)

كم واحد(ن)له يمة(ن)مانهجها=يكبت جموح النفس منع(ن)للاحراج

يعلى المعالي مانزل من درجها=يرفى بسمعه عن عواصيف الازعاج

يفتل خيوط(ن)من خياله نسجها=متشبث(ن)باطرافها فوق الابراج

ويعبر محيطات(ن)عماق(ن)لججها=مع هاجسن مع عاتي امواجها ماج

باللجه اللي مانجى من ولجها=ماجور ياباغي من الضيق مخراج

واسباب من زود لروحه حرجها=ادعج غنج مثله على الارض ماداج

سيطر على روح(ن)بحبه خلجها=وعن حب غيره حطله سور وسياج

واذا امحلت منه الضماير بهجها=من مشرق(ن)عنه انجلى ليله الداج

وبيض(ن) فلجها فطرة(ن) مافلجها=فالج ولا نمص من الحاجب حجاج

وسود(ن) دعجها فطرة(ن)مادعجها=داعج ولا لون خدوده بمكياج

ورقة غنجها فطرة(ن) ماغنجها=تمثيل ولا قلدت غنج مغناج

له في خفوقي خطة(ن)منتهجها=ولي منه موق(ن)يازرق الدمع نهاج

واسباب من زود لروحي حرجها=ادعج غنج مثله على الارض ماداج[/poem]