السلام عليكم و رحمة الله و بركاته

مصافحة أولى بعنوان : اتوق للمرقاب

ارجو ان تنال على استحسان الجميع


[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ابدع جزيل الشعر و اغني به=علي شرده ما تصير تعيبه
و اخاطب العراف و اخذ منهم=و ابيع في سوق الغلا و اشري به
و لا ارد لعدٍ و الطروش تروده=قرطوع نقع من الصفا يا طيبه
احث رجلي و اتعب السياره=و اتوق للمرقاب و اعدي به
و لا لي بدارٍ كاثرٍ في نزله=حتيش لو انه يسيل شعيبه
ياحي دارٍ موحشٍ بسباعه=وين انت ياللي عاويٍ لي ذيبه
وحوش ما تاحش و لا توحشني=ليا بغت موح الشحم تحريبه
و ادور اللي للجوازي قايد=الفضل لله لا قنصت اجيبه
ما تخلف الهقوه معي ناقلها=موثقٍ مضرابها و مصيبه
و لاجل الملام ابعد عن اللوامه=اقفل على اهل الشك و اهل الريبه
و ان كان ما قالوا يصح لساني=اذيع بإسمي ما ذكرت عتيبه[/poem]