مطر المرشدي

سلام عليكم مره ثانيه

حصلت على القصيده كامله وهناك بعض التعديلات البسيطه ارجو من المشرفين ملاحظة التعديل

[poem= font="Simplified Arabic,5,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تهيض الصعـاق بالصـدر حسـات=والله عليـم وخـابـرٍ وش مــراده
عقب العشا سويت لي خمسة طبخات=شبوب كشـب مولـعٍ فـي وقـاده
بريةٍ مـن سوقهـا تـو مـا جـات=والله كـريـم ولا يخـلـي عـبـاده
لو كـان مرزقنـا لبيـعٍ وشريـات=لتشوف مـالٍ مـا يحصـى عـداده
لكـن مرزقنـا تصيبـه عقـوبـات=ليا جت ليـال العسـر حنـا نفـاده
ومن فضل ربي طالبٍ خمس اشارات=ما همنـي قل القـراش ومـزاده (1)
الاوله تقليـط فـرض الصـلاوات=مـن قـام فـي سنـة نبيـه عبـاده
والثانية خطـو البنـات الحسينـات=اللي مَناسـبّ حبـل هنـه جـواده
اللي تحت حكم الرياجيـل طوعـات=وحاذور مـن نسـب يعـود نقـاده
والثالثـة صفـر الـدلال العذيـات=ومشـب نـارٍ مايطفى رمــاده (2)
نبا بهـا هـرج وضحـكٍ وفسحات=الياتراوس نزلنا فــا الحـمـاده (3)
والرابعـة شغـل السـلاح النقيـات=شغل النيامـس رمـي هنـه ركـاده
والخامسة حمـرٍ مـن الصيعريـات=اصل الحراير مـا نقضهـا الهبـاده
تقطـع لجالـيج الحـزوم البعيـدات=ليا طاوع الحرمـه قليـل الرشـاده
نصيت ابن 0000 إلي فيه حاجـات=ولانـي ببحّـاثٍ لدرب النقاده(4)
رّجَـال شبعـان ويـرده عـنـوات=وقطع اللحم والدم إلـه فيـه عـاده
يالله يـا مغنـي القلـوب الشقيـات=مـالٍ كثيـر ويطلـبـون الـزيـاده
والموت يدرجهم على كـل حيـلات=يبـا يطمـن روسـهـم للـوسـاده[/poem]