[poem= font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حي راس اللي ليا شفته أوزانـي "=" واحدن يامر هجوسي ويناها
ساكن ٍ قلبي ودمي وشرياني "=" وحافض ٍ قدر المحبه ومعناها
ومربك أحساسي وفكري ووجداني "=" ويكتب ابيوت القصيده ويقراها
من يلوم القلب ويلوم قيفاني "=" ماعرف قيمة حياتي ولا جاها
لي وليف ٍ كل ماجا على الساني "=" فز قلبي وأربك الروح وياها
فزة اللي يكرم الضيف والعاني "=" مايقلط دلته لين يملاها
حكمته بأن العمر رايح وفاني "=" والمراجل تتعب الرجل مرقاها
ياوليفي يابعد روح خلاني "=" ياسراجيف القصيده ومغزاها
ياكسيبة عز من خيل جداني "=" يوم الأرض الكايده يدرج أخطاها
يامعاني وقعها بين وجداني "=" يوم غيري ماحدن قد غناها
لاتخليني على قمة أحزاني "=" وأنت داري عن حياتي ومجراها
لانويت تحب غيري وتنساني "=" شوف حبك داخـل الـروح وأقصاها
أيك المجني وحبك هو الجانـي "=" كلها نفس النبط بس هياها
ماأصعب الأول على جرحي الثاني "=" غير توديع الحياه ومعااناها
الوداع اللي تحريته وجاني "=" حطني في نقطة ٍ ما أتعداهاا
ليت وقتي ماكواني وخلاني "=" الضحيه واحد ٍ من ضحاياها
هيه يالللي في ذرا الشيخ سلطاني "=" حاكم ٍ قلبي وقلبي ترياها
زين شعره لاسدل الليل وأغواني "=" لابديت أشك وأرسم محياها
كاشخ ٍ إيده بخاتم سليماني "=" ليتني الخاتم اللي بيمناها
ماخبرت الوقت قد جاد وأعطاني "=" غير حزن القلب من يوم فرقاها
مشكلة بعض المحبين بالعاني "=" يكبت العله ولا يعرف أدواها
وحي راس اللي ليا شفته اوزاني "=" واحدن يامر هجوسي ويناها
ساكن ٍ قلبي ودمي وشرياني "=" وحافض ٍ قدر المحبه ومعناها[/poem]
|