متذوقي الشعر بهذا المنتدى الراقي

السلام عليكم ورحمة الله وبركاته

أهديكم هذه الابيات مع كامل تحياتي .. و أتمنى أن تحوز على إعجابكم




[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
عسى الله يفرج هم من كان فيه همـوم = وتمطر مقــاديم السحــاب ومـراويحه

وتنبت فياض العشق بالورد واليشمـوم = وتسمـع سواليف المحب وتمـــازيحه

هذي رغبة العشاق والعشق فيه سلوم = وسر الهوى راع الهوى ماهو يبيحه

هل العشق ناسٍ في بحـور الغرام تعوم = وكلٍ من الشعــــار يصــدر تصـاريحه

حدٍ ضــاربه رمحٍ على خافقــه مسموم = وحدٍ طــاح في ناسٍ مقـاريد وشحيحه

وانا يــوم كلٍ نام عيني جفــاهــا النــوم = وهمي ورى بيــبـان صدري مفاتيحه

أهوجس وانا جالس مع الناس ثم آقوم = وقبل المنــام آخــذ مع الهم تسريحه

أولف كتابٍ فيـــه ونـــه وفيـــه همــوم = معنْوَن ( مصاويب الغـرام ومجاريحه )[/poem]


الشاعر / عبداللــــه الفهــــــادي