السلام عليكم ورحمة الله وبركاته ..

وكل عام وانتم بخير ..

نص متواضع لتواصل معكم ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحب مثل الشجر والوصل مثل المطر = وش يبس الغصن غير الماء وشحه عليه
يامن تركني دهر شف صدر خلك دهر = يمره الركب ما وطى ولا ناخ فيه
ممحل غرام وثناه الحب لين انكسر = من يجبر القلب في كسره وخلوة يديه
لابارك الله فالقلب المحب الخضر = يخّضر لين الزمن يغتاله بساعديه
انا احسب ان الهوى عمر" فدى له عمر = واثر الهوى عمر" يقفي بعمر النبيه
وقفت مابين كبت العاطفه والسهر = لين الوفاء طاح دمع الشوق من مقلتيه
يطيح ويطيح من عزة شموخي صخر = واقف لو ان الغلا جاث" على ركبتيه
والحب مخلوق عمره مثل عمر الزهر = يسقيه دمع المحب ويكبر براحتيه
لا ياقمر من عرفتك وانت نصف الشهر = بدر" سنا نور وجهه غير كل الوجيه
الناس ترجع هلال وهي من اول بدر = ولا انت لا زاد عمرك زادك الحسن تيه
يا موجع الليل نور الصبح جمره سمر = ولع شتاي الدفا" كم لي وانا محتريه
وان ولع الجمر خل الجمر يكوي جمر = وان ذوب الشمع خل الشمع لين ارتويه
ظماي ما هوب قل الماء وانا اشرب نهر = ظماي وش لون ابا اوصف وكيف آحكيه
اي والله ان الزمان اغبر وحظي غبر = كنت بيدينه وكيف يضيعك من يديه ؟؟[/poem]