اي والله انّي قبـل اعرفـك الـى الآن
وأنا حزيـن ، ولا حصـل اي تغييـر
لو إني اشعر معك فـي كـل الاحيـان
بأن الصدق حيٍّ ، والإحساس في خيـر
اذا على اخلاقك .. فلا فيك نقصـان
وإذا على وصلك .. فلا منك تقصيـر
وإذا على زينك .. فلا مثلـك إنسـان
لو إن غيرك زين ، زينك تـرى غيـر!
لكن قلبي ما تركـت فيـه الاحـزان
مـا يجعلـه يشتـاق ويحـب ويغيـر
لو زان لك يومٍ ، لـك ايـام مـا زان
مبهـم ولا ينفـع معـه اي تفسـيـر
كتمت سره .. ما ظهر بيـن الاجفـان
ما ينكشف لو ينكشف سرّ فـي بيـر
ليّـن ولكـن الزمـن فيـه مـا لان
كل ما جبر كسرٍ .. يعـاوده تكسيـر
له في قلـوب حبّتـه نبـض عرفـان
وله في قلـوبٍ عادتـه نبـض تقديـر
زانت لـك الدنيـا بقربـه ولا شـان
ولو كان يقدر ما حصل منـه تأخيـر
ودي بحبّك ، بس ما اقـدر علشـان
ما أظلمك وأبحث لك عن الظلم تبريـر
لذا مابي تشعر بـ( خيبـة ) وخـذلان
ولا تضيّـع باقـي العمـر .. تفكيـر
تبي وطن؟ تلقى فـ( غيري ) لك اوطان
تبي أمن؟ تلقى فـ( غيري ) لك مجيـر
تبي فرح؟ ميّـت بقلبـي مـن ازمـان
تبي أمل؟ طيرٍ مـع العاصـف يطيـر!
بالمختصر .. وفّر جهـودك مـن الآن
إرحل وإذا تقدر تذكرني بـ( خير ) !!
اااااااااااااااااااالله عليك
ياسلام ياسلام
هذي عااااااااااد خويتي القصيده ذي بيني وبينها ميانه
وانت خاااااااااابر رايي فيها عزالله انها فوق هام السحب
لله درررررررررررررررررررررررررررررك يامبدع
|