فهد الجبلي

من يلوم الوقت لو وقته شنيع

.. .. .. .. ومن يدوٌر بالخيانه ربع امان


لو يحملك الزمن ما تستطيع

.. .. .. .. كان ما شفنا مجاريح الزمان


من سنيني قلت لا يمكن اضيع

.. .. .. .. وفي مكاني ضعت ادوٌرلي مكان


اذكر اني كنت انا الصدر الوسيع

.. .. .. .. وضقت ادور من قسى الدنيا حنان


من يصون الوقت لو وقته سريع

.. .. .. .. لو طعن وقته مع نفسه وخان


كان ما طاع الزمن لازم نطيع

.. .. .. .. ولو يدوم اللي نبي اصلاُ مـ كان


والحبيب اللي يعاكسني الصنيع

.. .. .. .. بعد ما سلمت له قلبي ضمان


وسط قلبي يشتري مدري يبيع

.. .. .. .. مكثر جروحه ولا به جرح بان


شمعة الاحباب تبطي ما تميع

.. .. .. .. وحبنا شمعته ماعت من زمان


قلت انا ماضيع ولا يمكن اضيع

.. .. .. .. وفي مكاني ضعت ادورلي مكان









[align=left]شعر :

نبقى كذا " نشتاق " والوصل الاحلام !
.. .. .. .. .. وكابوسنا الواقع " ادور مكانكـ " ..

المشكله نعشق بعضنا لنا عام !
.. .. .. .. .. " لكن زماني مايواطن زمانكـ " ..


لـ عبدالله الثبيتي ![/align]

.

الهنوف اللي ذبحني حبّها ،

مع هبوب الريح راحت ياحرام

مانويت [ أحبها ] وأكبّها ،

وألحق الأيام شرهات وملام

الليالي ما عرفنا طبّهآآآآآآ ،

والمفارق ماعرف قدر الغرام

علموها كان خافت ربّها ،

لا تخليني كذا دون اهتمام !!